Ғазо аҳолиси ҳайит байрамини қандай нишонлади? (фото)

Бутун дунё мусулмонлари байрамни нишонлаш ва яратганга ҳамд айтиш учун Рамазон ҳайитига йиғиларди. Ғазоликлар ҳам одатда бу кунни оила даврасида таомларни баҳам кўриш орқали нишонларди...

Аммо бу йил анклавдаги уйлар вайронага айланган ва Ғазодаги 2,2 миллион кишининг ҳаммаси ҳам таомланиш учун озиқ-овқатга эга эмас. БМТнинг ўтган ойдаги ҳисоботига кўра, аҳолининг ярми очарчилик ёқасида.

Анклавдаги Соғлиқни сақлаш вазирлиги маълумотларига кўра, Исроилнинг Ғазодаги уруши оқибатида 33,400 дан ортиқ фаластинлик ҳалок бўлган, уларнинг аксарияти аёллар ва болалардир. 76 мингдан ортиқ одам жароҳат олган.

Бу йилги ҳайитда ҳеч қандай қувонч ҳам, завқ ҳам йўқ. Болалар бугунги ҳайит байрамида ота-оналарисиз уйғонади. Фарзандларимизга ширинлик пишириб, хурсанд қилишга, атрофимиздагиларни хурсанд қилишга, ҳайит ҳидини эслатишга ҳаракат қиляпмиз. Болаларга бундан бошқа берадиган ҳеч нарсамиз йўқ,— дейди фаластинлик Аҳлам Солиҳ исмли аёл BBC билан суҳбатда.

Эҳтимол бу кўпчилик ғазоликларнинг бир умр ёдида қоладиган ҳайит байрамидир.

Ҳайитнинг яққол кўзга ташланадиган анъаналаридан бири — бу вафот этганларни хотирлашдир. Дайр ал-Балоҳда мотам тутган аёллар байрамни урушда ҳалок бўлган эри ва ўғиллари ётган янги қазилган тупроқ атрофида нишонлади.

Ўтган байрамда улар мени кўргани келганди, бу сафар мен уларнинг олдига келдим. Куёвим, қизим ва набирамни, бутун оилани кўриш учун. Нима ҳам дейман? Мен оиламни кўргани келдим. Бу ерда ўн бир киши бор, — дейди Таҳани Абу Эвили исмли фаластинлик аёл қабрларга ишора қилиб.

Ғазодан Рафаҳга кўчирилган Мостафа Алҳелоу, у ва бошқа мусулмонлар Исроил бомбардимонлари оқибатида вайрон бўлган Ал-Фароуқ масжидида намоз ўқишини таъкидлади.

Умид қиламанки, кейинги ҳайит байрамини Ғазо шаҳрида нишонлаймиз ва намоз ўқишга одатланган масжидларимиз ичида намоз ўқиймиз, — деди Алҳелоу.