Сўнгги 24 соат ичида Ғазода 153 киши ҳалок бўлди — Al Jazeera

Исроилнинг фаол ҳужумлари оқибатида сўнгги 24 соатда Ғазо секторида 153 киши ҳалок бўлган. Бу ҳақда Al Jazeera нашри хабар берди.

Шунингдек, Ғазо Соғлиқни сақлаш вазирлиги 60 киши яраланганини ҳам хабар қилган. Ҳозирда жароҳатланганлар дала шифохоналарига жойлаштирилган.

Манбага кўра, Исроилнинг сўнгги ҳужумлари, асосан, Рафаҳ ва Жабалия аҳоли пунктларига қаратилган. Ҳудудга огоҳлантирмасдан ҳаво ҳужумлари уюштирилган.

Ғазо Соғлиқни сақлаш вазирлиги маълумотларига кўра, 7 октябрдан бери Ғазода ҳалок бўлганларнинг умумий сони 33 360 кишига етган, 75 993 киши турли даражада жароҳатланган.

Ғазо секторида 7000 киши шу пайтга қадар бедарак йўқолгани хабар қилинган. Исроил ҳужумида вафот этганларнинг 14,5 мингдан ортиғи болалар ва 9560 нафари аёллардан иборат.