Тошкент метросига яна тўрт вагонли иккита янги метро поездлари олиб келинди, деб хабар бермоқда Тошкент метрополитени матбуот хизмати.
Маълум қилинишича, йўналишлардаги вақт интервалларини янада қисқартириш мақсадида, ушбу ҳаракат таркиблари белгилан йўриқномага асосан 8-10 кун давомида техник синовдан ўтказилиб, сўнгра йўловчиларга хизмат қилиши учун йўналишларга чиқарилади.
25 февраль куни тўрт вагонли янги 3 та метро ҳаракат таркиби олиб келинганди. Хабарда айтилишича, 2024 йил май ойида яна 3 та метро поезди олиб келиниши режаланган. Бу режавий ишлар натижасида метро вагон паркларини янгилаш ва белгиланган вақт интервалларини янада қисқартишга эришиш мақсад қилинган.
Изоҳ (0)