Фарғона вилояти Сўх туманида яшовчи 27 ёшли Н.Р. ариза билан мурожаат қилиб, ўзига тегишли бўлган банк картасидан 2 млн 720 минг сўм миқдоридаги пул маблағлари номаълум шахс томонидан ўзлаштирилганини маълум қилган. Бу ҳақда Киберхавфсизлик маркази матбуот хизмати хабар берди.
Маълум қилинишича, ўтказилган тезкор-қидирув тадбирлари натижасида, мазкур жиноятни Фарғона вилояти Сўх туманида яшовчи муқаддам ЖКнинг 168-моддаси билан (фирибгарлик) судланган 24 ёшли Э.М. содир этганлиги аниқланган.
Унга кўра, Э.М. жабрланувчи Н.Р.га SMS хабарнома (сохта ҳавола) юбориш орқали шахсий маълумотларини қўлга киритиб, унинг банк мобил иловасига иккинчи фойдаланувчи сифатида уланиб олган ва 2 млн 720 минг сўмни ўзининг фойдаланувида бўлган банк пластик картасига ўтказиб олган.
Мазкур ҳолат юзасидан ЖКнинг 168-моддаси 3-қисми “б, г” банди (фирибгарлик такроран ёки хавфли рецидивист томонидан; ахборот тизимидан, шу жумладан, ахборот технологияларидан фойдаланиб содир этилган бўлса) билан жиноят иши қўзғатилиб, Э.М.нинг бошқа шу турдаги жиноятларга алоқадорлигини текшириш юзасидан тезкор-суриштирув ишлари олиб борилмоқда.
Изоҳ (0)