Бухорода Қирғизистондаги институтга ўқишга киритиб қўйишини айтиб, фуқаролардан 46 миллион сўм олганлар ушланди, деб хабар бермоқда Иқтисодий жиноятларга қарши курашиш департаменти хабар берди.
Унга кўра, ҳолат Бош прокуратура ҳузуридаги департаментнинг Пешку туман бўлими томонидан ўтказилган терговга қадар текширувда аниқланган. Фуқаролар М.Ҳ. ва М.Ж. 2 нафар фуқаронинг ишончига кириб, гўёки юқори лавозимда ишловчи танишлари ёрдамида уларни қўшни Қирғизистондаги институтга ўқишга киритиб қўйиб, кейинчалик ўқишини Ўзбекистондаги олий таълим муассасаларидан бирига кўчиртириб беришни айтган.
Улар бунинг эвазига жами 46 миллион сўмни фирибгарлик йўли билан қўлга киритгани аниқланиб, М.Ж.нинг ушбу пуллар ҳисобидан 17 миллион сўмни қайтаргани процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)