Наманганда жорий йилги 63-халқаро гуллар фестивалига 7 миллиондан ортиқ меҳмон келиши, улардан 300 минг нафари хорижий сайёҳлар бўлиши кутилмоқда. Бу ҳақда вилоят ҳокимининг ўринбосари Ботир Нуриддинов маълум қилди, дея хабар беради “Дарё” мухбири Азизбек Абдувалиев.
Фото: Ҳамдам Мамадалиев
Фестивал 19 майдан 23 июнгача, қарийб 40 кун давом этади. Тадбирни анъанавий тарзда гуллар билан безатилган автомобиллар паради бошлаб беради.
Фото: Ҳамдам Мамадалиев
“Фестивал доирасида модалар ҳафталиги, адабиёт байрами, ҳунармандлар ярмаркаси, ош чемпионати, аския ва ретро-қўшиқлар кечалари, авто ва дрон-шоулар, шотокан-каратэ бўйича Осиё чемпионати, этноспорт мусобақалари, лаванда сайли ўтказилади. Тарих, туризм, жадидчилик, архитектура, сув ресурслари, озиқ-овқат хавфсизлиги. биологик хилма-хиллик ва бандлик йўналишларида ўнга яқин халқаро форум ва илмий-амалий конференциялар бўлиб ўтади”, — дейди Ботир Нуриддинов.
Фото: Ҳамдам Мамадалиев
Ўтган галги фестивал кунлари Наманганда жаҳон эстрадаси юлдузлари туркиялик Рафет эл Роман, озарбайжонлик Толиб Тале ва Зайнаб Ҳасаний иштирокида концертлар бўлиб ўтган ва улар яхшигина шов-шув бўлганди.
Фото: Ҳамдам Мамадалиев
“Дарё” мухбирининг бу гал кимлар кутилаётгани ҳақидаги саволига жавобан Ботир Нуриддинов ҳозирда бир қатор машҳур хонандалар ва Болливуд юлдузлари билан музокаралар олиб борилаётгани, уларнинг номлари фестивал меҳмонлари учун ўзига хос сюрприз бўлишини таъкидлади.
Фото: Ҳамдам Мамадалиев
Изоҳ (0)