Россия ҳарбийлари қишда 32 нафар украиналик ҳарбий асирни қатл қилди. Бу аввалги даврдагидан кўп. БМТнинг Украинадаги инсон ҳуқуқлари мониторинги миссияси ўзининг тегишли ҳисоботини эълон қилди.
Ҳисоботда 2023 йил 1 декабрдан 2024 йил 29 февралгача бўлган даврда Украинадаги инсон ҳуқуқлари билан боғлиқ вазият тасвирланган.
Ҳисобот даврида Инсон ҳуқуқлари бўйича Олий комиссар бошқармаси 12 та алоҳида ҳодисада асирга олинган камида 32 нафар украиналик ҳарбий асир қатл этилгани ҳақида хабарлар олди. Олий комиссар ушбу ҳодисалардан учтасини тасдиқлади, уларда Россия кучлари жанговар ҳаракатлардан чиққан етти нафар украиналик ҳарбийни қатл қилган, — дейилади хабарда.
Бундан ташқари, экспертлар яқинда асирликдан озод қилинган 60 нафар украиналик аскар билан суҳбатлашди. Уларнинг аксарияти жинсий тажовузга учраган. Шунингдек, зўрлаш, кастрация қилиш, электрошокер қўллаш бўйича таҳдидлар бўлган.
Изоҳ (0)