“Барселона” клуби президенти Хоан Лапорта “Манчестер Сити”нинг 23 ёшли ҳужумчиси Эрлинг Ҳоландни сотиб олишни ният қилмоқда. Бу ҳақда Mundo Deportivo хабар бермоқда.
Манбага кўра, “кўк-анорранглилар” норвегиялик футболчини 2025 йилнинг ёзида сотиб олишни режалаштирмоқда. Лапорта Ҳоландни сотиб олиш “Барселона”нинг “Реал”нинг Килиан Мбаппе трансферига жавоби бўлишини хоҳлаяпти.
Таъкидланишича, Каталония клуби президенти Ҳоланднинг агенти Рафаэла Пимента билан яхши муносабатда.
Эслатиб ўтамиз, жорий мавсумда Ҳоланд барча турнирларда 34 та ўйинда қатнашиб, 29 та гол ва 6 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар тузилган.
Transfermarkt порталида келтирилган маълумотларга кўра, футболчининг бозор қиймати 180 миллион еврони ташкил қилади.
Изоҳ (0)