Portugaliya terma jamoasi bosh murabbiyi Roberto Martines “An-Nassr”ning 39 yoshli hujumchisi Krishtianu Ronalduning sport formasi haqida o‘z fikrlari bilan o‘rtoqlashdi.
“Krishtianu doimo motivatsiyaga ega futbolchi. Uzoq yillik faoliyati davomida u boshqalarga hamisha o‘rnak bo‘ldi. Ronaldu hamon 20 yoshli futbolchidek o‘ynaydi. Biz uchun terma jamoadagi turli yoshdagi futbolchilarning uyg‘unlashuvidan maksimal darajada foydalanish muhim”, — deya Martines so‘zlarini keltiradi Mundo Deportivo.
Eslatib o‘tamiz, joriy mavsumda Ronaldu barcha turnirlarda 33 ta o‘yinda qatnashib, 30 ta gol va 11 ta golli uzatmani amalga oshirgan. Futbolchining klub bilan amaldagi mehnat shartnomasi 2025-yilning yoziga qadar mo‘ljallangan.
Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.
Izoh (0)