Футбол бўйича Ўзбекистон терма жамоаси ЖЧ—2026 саралаши доирасида Гонгконгга қарши баҳс олиб боради.
Учрашув олдидан Ўзбекистон терма жамоаси бош мураббийи Сречко Катанес ўз фикрларини билдириб ўтди. Эслатиб ўтамиз, словениялик мутахассис соғлиғидаги муаммолар сабабли терма жамоага ёрдам беролмаяпти ва ўз юртига жўнаб кетган.
“Гонгконгга қарши дастлабки учрашувдаги ғалаба билан барчани табриклайман ва футболчиларга миннатдорчилик билдираман. Рақиб ҳақида бирор нима дея олмайман, чунки бор эътиборим ўз ўйинимизни шакллантиришга қаратилган эди.
Ушбу терма жамоага қарши яна бир муҳим учрашувда майдонга тушамиз. Умид қиламанки, бу сафарги баҳсда ҳам дастлабки ўйиндаги каби ишончли ҳаракат қилиб, ғалаба қозонамиз”, — дейди Катанес.
Ўзбекистон ва Гонгконг терма жамоалари ўртасидаги баҳс 26 март санасида “Бунёдкор” стадионида бўлиб ўтади. Учрашув 19:30 да старт олади.
Изоҳ (0)