Франция раҳбари Эммануэль Макроннинг хавфсизлик хизмати президентнинг ҳаётидан қўрқиб, кучайтирилган режимда ишламоқда. Бу ҳақда Елисей саройидаги манбаларга таяниб, Маrianne нашри хабар берди.
Маrianne суҳбатдошларига кўра, Макрон ўз хавфсизлигидан жуда хавотирда ва суиқасддан қўрқади. Президент ташриф буюрган жойларда полиция ходимларига ҳам талаблар кучайтирилаётгани айтилмоқда.
Эммануэль Макрон ўтган ёзда унга ҳамма жойда ҳамроҳлик қилиши учун забардаст йигитларни ёллади, — дейилади хабарда.
Франция президенти 2023 йилнинг кузида хавфсизликни кучайтиришни буюргани маълум қилинди. Москва вилоятидаги терактдан сўнг Макрон Мудофаа ва Миллий хавфсизлик кенгашини йиғган. Унда террорчилик таҳдиди даражасини максимал даражада оширишга қарор қилинган.
Францияда жами бешта террор таҳдиди даражаси мавжуд бўлиб, улар оқдан (хавфсиз) бинафша ранггача (бир вақтнинг ўзида ёки турли вақтларда йирик террорчилик ҳужумлари хавфи) бўлган хавфни ўз ичига олади. Париж охирги марта 2023 йилнинг октябрь ойида ҲАМАСнинг Исроилга ҳужумидан кейин таҳдид даражасини максимал даражага кўтарган эди.
Изоҳ (0)