Президентнинг “Маҳаллаларда футбол инфратузилмасини ривожлантириш ва тармоғини кенгайтириш чора-тадбирлари тўғрисида”ги қарори билан, маҳаллаларда намунавий типдаги спорт иншоотларини барпо этишда жамоавий спорт турларига устунлик берилади.
Ҳар йили 1 январгача маҳаллаларда ўтказиладиган футбол мусобақалари, чемпионат ва турнирларнинг алоҳида йиллик календарь режаси тасдиқлаб борилади.
Маҳалла терма жамоаларининг 12–15 ёш тоифалари ўртасида икки босқичли “Маҳалла лигаси” ва 16–30 ёш тоифалари ўртасида уч босқичли ДХХ кубоги мусобақаларини ўтказиш тизими йўлга қўйилади.
2024/2025 ўқув йилигача “Маҳалла лигаси” мусобақаларида ўз иқтидорини намоён этган энг иқтидорли футболчи ёшларни саралаб олиш (селексия) орқали ҳудудий футбол ва спорт мактаблари ҳамда футбол академияларига йўналтириб бориш тизими йўлга қўйилади.
2024 йилдан барча умумий ўрта таълим муассасаларида 8–11-синф ўқувчилари орасидан бир нафар мактаб футбол етакчисини танлаб олиш тизими йўлга қўйилади.
Изоҳ (0)