Покистоннинг Балужистон шаҳридаги кўмир конида портлаш содир бўлди. 12 нафар кончи ҳалок бўлган, 8 нафари қутқарилган, дея Dawn хабар берди.
Воқеа 19 март куни кечқурун содир бўлган. Тоғ-кон компанияси раҳбарияти вакилларининг сўзларига кўра, портлаш вақтида конда 10 нафар кончи ишлаган. Уларга ёрдамга бир гуруҳ кончилар келган, бироқ улар ҳам тузоққа тушиб қолган.
Қутқарув гуруҳлари охир-оқибат 12 жасад ва 8 нафар тирик қолганларни топиб, касалхонага етказган. Қурбонлар сонини вилоят кончилик бош директори Абдулла Шоҳвоний тасдиқлаган. Ҳукумат жабрланганларга ҳар томонлама тиббий ёрдам кўрсатишни буюрган.
18 март куни Амур вилоятидаги “Пионер” конида тош қулаши содир бўлган эди. Тоғ-кон ва капитал ишларига ихтисослашган пудратчи ташкилот ходимларидан 13 киши вайроналар остида қолган. Қутқарув операцияси ҳануз давом этмоқда.
Изоҳ (0)