Дунёнинг энг муваффақиятли ва нуфузли қўшиқчиси, продюсер ва актриса Рианна мухлисларига бўлган ҳурмати билан бошқалардан доим ажралиб турган. Куни кеча хонанданинг Италияга қилган сафарида бунга яна бир бор амин бўлдик.
Барчаси тасодифан содир бўлди: Рианна автомашинасида ўтирган эди, уни таниб қолган бир гуруҳ одамлар хонанда олдига келиб, расмга тушишни илтимос қилишди. Бунга жавобан қўшиқчи уларни машинада ўтиришга ва бирга бир неча дақиқа вақт ўтказишга таклиф қилди. Мухлислар латофатли Рианна билан суратга тушиб, эсда қоларли видеолар олишди ва кўп яхши тилаклар билдиришди.
Дунёдаги энг бадавлат аёл қўшиқчининг бундай ҳаракати ижтимоий тармоқларда кенг муҳокама қилинмоқда. Кўпчилик мухлислар Рианнанинг бундай ҳаракатларини жуда ажойиб деб баҳоласа, бошқалар хонанда шахсий хавфсизлиги ҳақида кўпроқ қайғуриши лозимлигини маслаҳат берди.
Бундан аввал хонанданинг турмуш ўртоғи А$AP Rocky фанатлари билан учрашувда Рианна янги альбом устида ишлаётгани ҳақида айтиб ўтган эди.
Изоҳ (0)