Қирғизистонлик инвестор “Толибон” ҳаракатининг тоғ-кон ва нефть вазири вазифасини бажарувчиси билан учрашувда Афғонистондаги минерал ресурслар, хусусан олтин конларига сармоя киритишдан манфаатдор эканини айтди.
“Толибон” кончилик ва нефть вазирлиги матбуот хизмати ахборот бюллетенида, вазирлик раҳбари вазифасини бажарувчи Шаҳобиддин Делавер Қирғизистоннинг тоғ-кон компанияси бўлган “АЛЛAТОЙ” раҳбари ва унга ҳамроҳ бўлган жамоа билан учрашгани ҳақида хабар берди.
Қирғизистонлик инвестор ушбу компания афғон муҳандисларига тоғ-кон саноатининг турли соҳаларида амалий ва техник тайёргарлик кўришга тайёрлигини билдирди.
Ўз ўрнида “Толибон”нинг кон ва нефть вазири вазифасини бажарувчиси Афғонистонда миллий хавфсизлик таъминлангани ва сармоя киритиш учун яхши замин яратилганини айтди.
Делавер Афғонистоннинг минерал ресурсларига сармоя киритишдан манфаатдор бўлган барча хорижий сармоядорларни олқишлаб ва Афғонистон конларига тўлиқ ишонч билан сармоя киритишлари мумкинлигини қўшимча қилди.
Изоҳ (0)