Эрон ОАВлари Эрон ва Афғонистон ўртасидаги чегарадаги Систан ва Балужистон вилоятидаги Ҳирманд ҳудудида бир эронлик чегарачи ҳалок бўлганини хабар қилди.
IRNA ахборот агентлигининг Эроннинг Систон ва Балужистон чегара қўриқлаш бошқармаси ахборот марказига таяниб хабар беришича, бу чегарачи кеча, 17 март, якшанба куни кечқурун Ҳирманд ҳудудида номаълум шахслар томонидан отиб ташланган.
Ҳирманд Афғонистон чегарасида жойлашган ҳудуд бўлиб, 11 март куни бу ҳудудда таркибида гиёҳванд модда бор ўсимликлар экиладиган 587 гектар ер йўқ қилингани ҳақида хабар берилганди.
Шунингдек, “Толибон”нинг наркотикларга қарши кураш полицияси Қандаҳор ва Урузгон вилоятларидаги 58 гектар ер ҳам гиёҳванд моддалардан тозалангани ҳақида хабар берган.
Изоҳ (0)