Киевнинг ҳужумлари Россиядаги президентлик сайловларига тўсқинлик қила олмайди, аксинча улар халқни бирлаштиради. Бу ҳақда 15 март куни Россия президенти Владимир Путин маълум қилди. Президент нутқи ҳақида “ТАСС” нашри батафсил маълумот берди.
“Ҳарбий нуқтайи назардан маъносиз ва гуманитар нуқтайи назардан жиноийга тенг бўлган бу ҳужумлар, аввал ҳам таъкидлаганимиздек, Россияда бўлиб ўтадиган президентлик сайловларига тўсқинлик қилишга қаратилган. Ишончим комилки, халқимиз бунга жавобан бир-бири билан янада мустаҳкамроқ уюшади. Улар кимни қўрқитмоқчи бўлишяпти ўзи? Рус халқиними? Кўп миллатли Россияними?”
Путиннинг сўзларига кўра, русларни қўрқитишга бўлган барча уринишлар беҳуда. Мамлакат ҳеч қандай таҳдиддан қўрқмайди ва ўз йўлида давом этади.
Аввалроқ Украинадаги мустақил батальонлар томонидан Россия ҳудуди ўққа тутилгани тўғрисида хабарлар тарқалган эди. Россия Мудофаа вазирлиги ҳужумлар қайтарилгани, мамлакат чегараларида хавфсизлик таъминланганини маълум қилган эди.
Изоҳ (0)