Германия, Франция ва Польша Украинага ёрдам миқдорини ошириш ниятида, бироқ бу давлатлар Россия билан уруш ҳолатида эканлигини англатмайди, деди Германия канцлери Олаф Шольц.
“Биз Украинани қўллаб-қувватлаймиз, лекин биз Россия билан урушмаяпмиз. Биз ҳозир Украинага қандай қилиб кўпроқ ёрдам беришимиз мумкинлигини муҳокама қилмоқдамиз”, — деди канцлер.
Унинг сўзларига кўра, музокараларда уч давлат — Франция, Германия ва Польша раҳбарлари Украина учун халқаро бозорларда қурол сотиб олишга ва артиллерия етказиб бериш ҳажмини оширишга келишиб олган.
“Шунингдек, биз Россиянинг Евроиттифоқ ҳудудида музлатилган активларидан тушган маблағдан фойдаланиб, Украинага ёрдам бериш учун қурол сотиб олишда фойдаланмоқчимиз”, — дея қўшимча қилди Шольц.
Аввалроқ Европарламент Европа Иттифоқининг жиноий келиб чиққан активларни мусодара қилиш бўйича директивасини маъқуллаганди. Бу Россиянинг Украинага ҳужуми сабабли музлатилган маблағларидан Украинани тиклаш учун фойдаланиш имконини беради.
Изоҳ (0)