“Кальмар ўйини” фильмидаги роли билан танилган актёр О Ён Су Жанубий Корея суди томонидан жинсий зўравонликда айбдор деб топилиб, унга шартли равишда 8 ойлик қамоқ жазоси берилди. Бу ҳақда “Правила жизни” хабар бермоқда.
Шунингдек, О Ён Суга жинсий зўравонлик бўйича 40 соатлик дастурни ҳам ўташ шарти қўйилди. Актёр суд қарорини аппеляцияга беришини айтди.
79 ёшли актёрга 2022 йил кузда шаҳвоний безорилик айби қўйилган эди. Жабрланган аёлнинг сўзларига кўра, О Ён Су аёлнинг ихтиёрига қарши равишда уни қучоқлаб, юзидан ўпган. Воқеа 2017 йилнинг август-сентябрь ойларида бўлиб ўтган. Бу вақтда актёр икки ойлик сафарда эди.
Актёр айбни тан олмади: у фақат йўл кўрсатиш учун аёлнинг қўлини ушлаганини даъво қилди.
2024 йил февраль ойида Жанубий Кореянинг Сувон шаҳри прокуратураси суддан О Ён Суни жинсий зўравонлик иши бўйича бир йиллик қамоқ жазосига ҳукм қилишни сўраган эди.
Актёр О Ён Су “Кальмар ўйини” фильмида танилишидан аввал театр соҳасида фаолият олиб борар эди. У “Кальмар ўйини” фильмидаги роли учун “Олтин глобус” га сазовор бўлган.
Изоҳ (0)