“Баҳор” номли янги турк сериали дастлабки қисмданоқ томошабинлар қалбини забт эта олди. Ҳозирча фақат тўрт қисм намойиш этилди, лекин тиббиёт ҳақидаги бу драма аллақачон машҳурлик рейтингининг энг юқори чўққисига чиқишга муваффақ бўлди.
Бу, шубҳасиз, 43 ёшли Демет Эвгарнинг ажойиб актрисалик маҳорати туфайли юз берди. Актриса ўтган йилнинг октябрида — фарзандини дунёга келтиргандан кейинги икки йиллик танаффусдан сўнг кинога қайтди. “Баҳор”да Эвгар билан бир қаторда Эжем Ўзкая, Буғра Гулсуй ва Меҳмет Йилмаз Ак ҳам суратга тушмоқда.
Трейлерга кўра, бешинчи қисм сериал мухлисларига ҳақиқий ҳис-туйғулар беришини ваъда қилмоқда. Демет тиббий таълим олган бўлса-да, ўз соҳасида ишламай уй бекасига айланган Баҳор исмли қаҳрамонни ўйнайди — у ўзини уй ишлари, эри ва болаларга ғамхўрлик қилишга буткул бағишлаган. Бир куни у касалхонага тушиб қолади ва унга жигар кўчириб ўтказиш кераклиги маълум бўлади. Бироқ оиласи унга ёрдам беришга шошилмайди. Шундан сўнг Эвгар қаҳрамони тақдирини ўз қўлига олишга ва шифокор бўлишга қарор қилади.
Изоҳ (0)