Тошкентда пул эвазига АҚШга ишга юборишни ваъда қилган шахс ушланди. Бу ҳақда Бош прокуратура ҳузуридаги департамент хабар қилди.
Департаментнинг Сергели туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро Ф.Э. фуқаро М.Я.нинг ишончига кириб, уни 16 минг доллар эвазига Туркия, Мексика ва Никарагуа давлатлари орқали АҚШга ишлаш учун юборишни ваъда қилиб, олдиндан 9 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ АҚШнинг Ўзбекистондаги элчихонаси фуқароларга огоҳлантириш билан чиқиб, ушбу давлатга қонуний йўл билан боришга чақирганди. Элчихона АҚШга ноқонуний миграция хавфли ва серхаражат уриниш эканини билдирган.
3 март куни АҚШга ноқонуний йўллар билан кетган 74 нафар ўзбекистонлик ватанга қайтарилганди. 2023 йилнинг 20 декабрида АҚШга ноқонуний йўллар билан кетган 119 нафар ўзбекистонлик олиб келинган.
Марказий Осиё давлатларидан 2023 йилда 50 мингдан ортиқ одам АҚШ чегарасини ноқонуний кесиб ўтган.
Изоҳ (1)
ахмокчилик майнавозчилик . ф.э. д.р шунака исмлар борми хайотта . бетайин макола