“Манчестер Сити”нинг ўнг қанот ҳимоячиси ва сардори Кайл Уолкер у билан бирга ўйнаган энг яхши жамоадоши ким деган саволга жавоб берди.
“Мен 2012/2013 йилги мавсумдаги Бэйлдан юқори савиядаги футболчи билан ҳеч қачон ўйнамаганман. Мен Эрлинг Ҳоланд каби тўпурар футболчи билан ўйнайман, бироқ ўша мавсумда Бэйлнинг ҳар бир зарбаси дарвозага тўғри борар эди”, — дея Уокернинг сўзларини келтиради Football Espana.
Эслатиб ўтамиз, Уолкер ва Бэйл “Тоттенҳэм” сафида 2009 йилдан 2013 йилгача биргаликда ҳаракат қилган.
2012/2013 йилги мавсумда уэлслик футболчи барча мусобақаларни қўшиб ҳисоблаганда 44 та ўйинда қатнашиб, 26 та гол ва 14 та голли узатмани амалга оширган. Ушбу самарали мавсумдан кейин Бэйл “Реал Мадрид”га кўчиб ўтган.
Уолкер эса 2017 йил “Манчестер Сити” сафини тўлдирган.
Изоҳ (0)