Ўхшамаган ҳаракатнинг ўхшаган “пиар”и. Исмоналиевнинг ҳаракати Суперлигани машҳур қилди

Суперлига 2-тури доирасида бўлиб ўтган “Андижон” — “Бунёдкор” учрашувининг 32-дақиқасида меҳмонлар футболчиси Усмонали Исмоналиев беўхшов ҳазили учун ҳақли равишда майдондан четлатилди.

Ўша дақиқада мезбонлар футболчиси Фарҳод Бекмуродов Исмоналиевдан зарба қабул қилиб олган Муҳаммадкарим Тоировни айёрлик ишлатмаганликда койиб, уни ерга ётишга мажбур қилди, камига ортидан тепиб ҳам қўйди.

Ушбу ҳолат “вирус” бўлиб тарқалди. Масалан, Twitter (ҳозирги “Х”) даги ТроллFootball аккаунтида бу видео 9 миллиондан ортиқ марта, бошқа бир оммабоп “Out Оf Context Football” саҳифасида 1 миллиондан ортиқ марта кўрилди.

Ушбу ҳолат футбол жамоатчилиги эътиборидан четда қолмади.

Масалан, футбол шарҳловчиси Ориф Толипов қуйидагича изоҳ қолдирган:
“Иккаласи бир жамоада (Андижон) ўйнаган, кўп эҳтимол дўст. Лекин дўстликнинг бундай ҳазиллари майдонда бўлмагани маъқул”.

Журналист Даврон Файзиев ҳам бу видеога ўз қарашларини билдирди:

35-дақиқада ҳисоб 1:1 бўлиб турганда “Бунёдкор” вакили Исмоналиев ҳакамнинг ёнгинасида негадир Тоировга хайкик зарба берди. Зарбаку кучли эмас, бу ерда кўпроқ ҳурматсизлик билан муносабатга ўхшади. Асимов қизил кўрсатди ва қайсидир маънода ҳақли равишда қаттиққўллик қилди. Ҳаммасидан 8-рақамли Бекмуродовнинг ҳаракати кулгили чиқди. Дастлаб у Тоировни “ётиб ол” деб туртиб йиқитди. Яна етмагандек тепиб ҳам қўйди. Бу жуда шарт ҳам эмасди, рефери аллақачон вазиятга реакция қилиб бўлганди”.

Тажрибали шарҳловчи Хайрулла Ҳамидов бу ўйинни шарҳламаганидан хурсанд:

“Яхшиям Андижондаги ўйинни Намангандаги баҳсга алишганим, акс ҳолда роса гап сўзларга қолиб кетардим”.

Мустақил журналист Фаҳриддин Рўзиев уларнинг дўстлигига эътибор қаратган:

“Усмонали Исмоналиев ўртоғи (ва бугунги ўйинда рақиби) Муҳаммадкарим Тоиров билан ҳазиллашмоқчи бўлганди, менимча. Улар 2021 йил “Андижон” таркибида бирга тўп тепишган. Шунчаки, “Бунёдкор” футболчиси бу ишни нотўғри жойда амалга оширди ва ҳақли равишда четлатилди”.

Блогер  Нурбек Алимов вазиятга кулгили изоҳ қолдирди:

“Файзбог” канали қисқагина изоҳ қолдирди:

Шарҳловчи Ҳасан Турдиалиев ҳам ўз Telegram саҳифасида ҳолатга ўз фикрини билдирди.

Футбол эксперти Алишер Никимбаев ушбу ҳолатда “Андижон” футболчиси ҳам жазоланиши кераклиги ҳақида айтиб ўтган.

Ижтимоий тармоқдаги видеолар изоҳида фойдаланувчилар турли фикрларни билдиришган. Масалан, Х-Аслан номли профил эгаси ҳам 8-рақамли футболчи жазоланиши кераклиги ҳақида айтиб ўтган.

Энгр_Ҳорлла исмли фойдаланувчи футбол турли ёлғонлар билан тўлиб тошганини эътироф этиб, 8-рақамли “Андижон” футболчиси нега жамоадошини тепганига тушунмаган.

Изоҳларда баъзи фойдаланувчилар Ўзбекистоннинг тарихий ва чиройли давлат эканлигини эслаб ўтишган.

ПФЛ матбуот хизмати бўлган воқеага ўз муносабатини билдириб, футболга ярашмаган қилиқ қилгани учун 8-рақамли Бекмуродовни жазолаш масаласини Тартиб-интизом қўмитасига киритилишини айтиб ўтган.