Польшадаги америкалик аскарларнинг контингенти 100 минг кишигача оширилиши мумкин. Бу ҳақда Польша армияси бош штаби бошлиғи ўринбосари, генерал Карол Димановский маълум қилди.
“Америка аскарлари Польшада анчадан бери мавжуд. Уларнинг сони бир неча минг нафар. Улар биз билан мунтазам машғулот ўтказишади... Уларнинг сонини 100 мингга етказиш мумкин. Бу НАТОнинг Вильнюсдаги сўнгги саммитида маъқулланган”, — деди Польша Бош штаби вакили.
У “НАТО аскарлари хавф остида қолган давлатга уруш бошланишидан олдин етиб боради”, дея қўшимча қилди. Шунингдек, Карол Димановский яқинда НАТОнинг жуда юқори тайёргарликдаги қўшма ишчи гуруҳи таркибида 40 минг аскар бўлганини, ҳозир уларнинг сони 300 мингга етганини таъкидлади.
Аввалроқ АҚШнинг Варшавадаги элчиси Марк Бжезински Польшада 10 минг америкалик аскар жойлашганини айтиб, “Польша НАТОда муҳим рол ўйнаб, альянснинг шарқий қаноти хавфсизлигини таъминлашга ёрдам беради”, — деган эди.
Изоҳ (0)