Ўзбекистонда 100 та уйга нечта телефон тўғри келиши маълум бўлди 

Ўзбекистонда 100 та уй хўжалигига нечта мобил телефонлар тўғри келиши маълум қилинди. 

Статистика агентлигининг уй хўжаликлари танланма кузатувлари маълумотларига асосан, 2023 йилда 100 та уй хўжалигига тўғри келадиган мобил телефонлар сони ўртача 349 тани ташкил этган. Маълумот учун бу кўрсаткич:

2010 йилда –145 тани;

2015 йилда – 234 тани;

2020 йилда – 287 тани ташкил этган.

Ўзбекистонда уй хўжаликлари танланма кузатуви маълумотларига асосан 2023 йилда 100 та уй хўжалигига ўртача 57 та енгил автомобиль тўғри келмоқда. Бу кўрсаткич 2010 йилда — 21 та, 2015 йилда — 42 тани ташкил этган. 2020 йилда эса 49 та енгил автомобиль тўғри келган.

Шунингдек, уй хўжаликлари танланма кузатувлари маълумотларига асосан 2023 йилда 100 та уй хўжалигига тўғри келадиган телевизорлар сони 176 тани ташкил этган. Бу кўрсаткич 2010 йилда — 132 та, 2015 йилда — 152 та, 2020 йилда эса 162 тани ташкил этган.

2023 йил март ойида ПМТИ экспертлари Ўзбекистонда инсонларнинг ҳаёти давомида истеъмол харажатлари ва даромадлари, ўзгариш хусусиятлари ҳамда қарз муносабатларига киришиш ҳолатини таҳлил қилганди. Ўзбекистонда аҳоли ўртасида ўтказилган сўров натижаларига кўра, ёш оилалар бошқа оилаларга нисбатан даромадининг кўп қисмини қарз тўлашга сарфлаётганини маълум қилган. Бунда респондентларнинг 18 фоизи маиший техника, 22 фоизи уй-жой, 13 фоизи автомобиль, 10 фоизи ўқиш шартнома тўлови, 11 фоизи эса телефон учун қарз олганлиги маълум бўлган.