Эрон президенти Иброҳим Раисий рамазон ойининг кириб келиши муносабати билан эълон қилган нутқида мусулмон халқлари ва уларнинг етакчиларини тинчликни тарғиб қилишга ва золимларга, хусусан, сионистик режимга қарши туришга чақирди. Бу ҳақда IRNA нашри хабар берди.
Президент Раисий ўз баёнотида мусулмонлар ўртасида тинчлик ва биродарликни тарғиб қилиш, шунингдек, маънавият ва бирдамликни кенгайтириш ислом етакчилари ва ҳукуматларининг бурчи эканини таъкидлаган. Бирдамликда ҳаракат қилишга чақирган.
“Ушбу муборак ой барча мусулмонлар учун, айниқса, сидқидилдан қилинган дуолар орқали қалби ва маънавиятини нурга тўлдириш, илоҳий таълимотларга, хусусан, муқаддас Қуръонга амал қилиб, ўзлари ва ислом умматини юксалтириш учун шароит яратиш учун бебаҳо имкониятдир”, — дея қўшимча қилган Иброҳим Раисий.
Раисий Фаластиннинг илоҳий иноят билан озод бўлиши, ишғол қилинган Қуддус ва Ал-Ақсо масжиди ислом олами қучоғига қайтишига умид билдирди. Рамазон ойи дунё мусулмонлари учун биродарлик ришталарини мустаҳкамлаш ойи эканини уқтирди.
Изоҳ (0)