Футбол бўйича “Бухоро” жамоаси 2023 йилги муваффақиятсиз ўйинлардан сўнг Суперлигадан тушиб кетди ва 2024 йилги мавсумни Про Лигада ўтказади.
Жамоа Про Лигадаги учрашувларини юлдузли таркиб билан бошлайди. Виталий Денисов, Артём Филипосян, Давронбек Ҳошимов, Фозил Мусаев, Жасур Ҳасанов сингари тажрибали футболчилар “Бухоро” шарафини ҳимоя қилади.
Яқинда клуб томонидан ўтказилган янги футболчиларни таништириш маросимида ҳам жамоанинг асосий мақсади Суперлига йўлланмасини қўлга киритиш экани таъкидланди.
Қайд этиб ўтиш жоиз, “Бухоро” жамоаси учун айни дамда собиқ “Тўқимачи” спорт мажмуасида замонавий стадион барпо этиш ишлари олиб борилмоқда. Унгача эса клуб уй ўйинларини Тошкентдаги “Бунёдкор” стадионида ўтказади.
“Бухоро”нинг Про Лигада илк ўйини 13 март куни Ғузорнинг “Шўртан” жамоасига қарши бўлиб ўтади.
Изоҳ (0)