Кеча, 25- февраль санасида Саудия Арабистони чемпионатининг 21-турида “Ан-Насср” жамоаси “Аш-Шабаб”ни 3:2 ҳисобида мағлуб этди.
Меҳмонда ўтказилган ўйин охирида Роналду мезбон мухлисларнинг “Месси! Месси!” деган овозларини эшитди ва чап қўлини қулоғига қўйди. Сўнгра мухлисларга қараб номақбул ишора қилди.
Саудия Арабистони футбол федерациясининг тартиб-интизом ва ахлоқ қўмитаси ушбу ҳодиса юзасидан шошилинч текширув бошлади, дея хабар бермоқда Goal нашри. “Ан-Насср” томони видео сунъий интеллект томонидан яратилганини даъво қилмоқда.
Ушбу эпизод бўйича қарор икки кун ичида қабул қилиниши кутилмоқда.
“Ан-Насср” жамоаси ушбу ғалабадан сўнг Саудия Про лигасида 52 очко тўплаб иккинчи ўринда бормоқда.
Изоҳ (0)