Futbol bo‘yicha “Buxoro” jamoasi 2023-yilgi muvaffaqiyatsiz o‘yinlardan so‘ng Superligadan tushib ketdi va 2024-yilgi mavsumni Pro Ligada o‘tkazadi.
Jamoa Pro Ligadagi uchrashuvlarini yulduzli tarkib bilan boshlaydi. Vitaliy Denisov, Artyom Filiposyan, Davronbek Hoshimov, Fozil Musayev, Jasur Hasanov singari tajribali futbolchilar “Buxoro” sharafini himoya qiladi.
Yaqinda klub tomonidan o‘tkazilgan yangi futbolchilarni tanishtirish marosimida ham jamoaning asosiy maqsadi Superliga yo‘llanmasini qo‘lga kiritish ekani ta’kidlandi.
Qayd etib o‘tish joiz, “Buxoro” jamoasi uchun ayni damda sobiq “To‘qimachi” sport majmuasida zamonaviy stadion barpo etish ishlari olib borilmoqda. Ungacha esa klub uy o‘yinlarini Toshkentdagi “Bunyodkor” stadionida o‘tkazadi.
“Buxoro”ning Pro Ligada ilk o‘yini 13-mart kuni G‘uzorning “Sho‘rtan” jamoasiga qarshi bo‘lib o‘tadi.
Izoh (0)