Сурхондарё вилояти Бойсун туманида эркак ўз хотинини ўлдириб, жарликка кўмиб юборди. Бу ҳақда “Эзгулик” жамияти фаоли Абдураҳмон Ташанов ўзининг Facebook’даги саҳифасида маълум қилди.
Айтилишича, Сурхондарё вилояти Бандихон тумани “Обикор” маҳалласида яшовчи фуқаро Ш.Р. 34 яшар қизи 2024 йилнинг 6 февраль куни тўсатдан йўқолиб қолганини, шу йилнинг 1 март куни унинг жасади Бойсун тумани “Дашттиғоз” маҳалласи яқинидаги жарликдан топилганини ёзган. Отанинг таъкидлашича, қизи чуқурликка кўмилган ва устидан 2 камаз тупроқ тортилган.
Қотилликни ҳозирча марҳуманинг эри А.Қ. бўйнига олган ва Сурхондарё вилояти ИИБда одам ўлдиришда айбланмоқда. Айбланувчининг акаси — Амиров Алишер Хуррамович, Сурхондарё вилояти ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимида ишлайди.
Эркак қизининг қайнотаси (ҳоким ўринбосарининг отаси) у билан қасдлашгани, бир неча марта унга ўлдириш билан таҳдид қилгани, қизининг ўлими бутун бошли оила томонидан уюштирилганини иддао қилмоқда.
Изоҳ (0)