Tesla электр автомобиллари асосчиси, миллиардер Илон Маск 6 март куни бу йилги сайловларда президентликка номзодларга пул хайрия қилмаслигини айтди. Бу ҳақда у Х ижтимоий тармоғидаги саҳифасида маълум қилган.
Макс Флоридада Трамп билан учрашувидан сўнг Дональд Трампга ҳам, Жо Байденга ҳам пул хайрия қилмаслигини таъкидлаган.
Янада аниқроқ бўлиши учун, мен АҚШ президентлигига номзодларнинг ҳеч бирига пул хайрия қилмайман,— деб ёзган Маск Х да.
Трамп дам олиш кунлари Флоридада дунёнинг энг бадавлат кишиларидан бири Маск ва бошқа кичик гуруҳ билан учрашган, Reuters’га кўра, собиқ президент ўз сайловолди кампанияси учун катта пул хайриясини қидирмоқда.
Маск 2022 йилда Байденнинг демократлари устидан ғалаба қозониши учун америкаликлардан АҚШдаги оралиқ сайловларда Республикачилар Конгрессини сайлашни сўраган. Маскнинг сўзларига кўра, гарчи Америка фуқаролиги бўлмаган шахслар федерал сайловларда овоз бериш ҳуқуқига эга бўлмаса ҳам, Байден муҳожирларни демократларга овоз беришлари учун АҚШга келишга ундамоқда.
Чоршанба куни эрталаб Никки Хейли Трамп билан узоқ муддатли курашини якунлаб, ноябрь ойида Байден билан реванш жангида Трампнинг Республикачилар партиясидан номзод бўлишини таъминлаган.
Изоҳ (0)