Dunyoning eng muvaffaqiyatli va nufuzli qo‘shiqchisi, prodyuser va aktrisa Rianna muxlislariga bo‘lgan hurmati bilan boshqalardan doim ajralib turgan. Kuni kecha xonandaning Italiyaga qilgan safarida bunga yana bir bor amin bo‘ldik.
Barchasi tasodifan sodir bo‘ldi: Rianna avtomashinasida o‘tirgan edi, uni tanib qolgan bir guruh odamlar xonanda oldiga kelib, rasmga tushishni iltimos qilishdi. Bunga javoban qo‘shiqchi ularni mashinada o‘tirishga va birga bir necha daqiqa vaqt o‘tkazishga taklif qildi. Muxlislar latofatli Rianna bilan suratga tushib, esda qolarli videolar olishdi va ko‘p yaxshi tilaklar bildirishdi.
Dunyodagi eng badavlat ayol qo‘shiqchining bunday harakati ijtimoiy tarmoqlarda keng muhokama qilinmoqda. Ko‘pchilik muxlislar Riannaning bunday harakatlarini juda ajoyib deb baholasa, boshqalar xonanda shaxsiy xavfsizligi haqida ko‘proq qayg‘urishi lozimligini maslahat berdi.
Bundan avval xonandaning turmush o‘rtog‘i A$AP Rocky fanatlari bilan uchrashuvda Rianna yangi albom ustida ishlayotgani haqida aytib o‘tgan edi.
Izoh (0)