Qamoqxonada vafot etgan Andijon shahrining sobiq hokimi, Prezidentning Toshkentdagi bir qator manzillarga tashrifi, avtobusda oilali ayolga shahvoniy shilqimlik qilib, qamalgan konduktor – “Daryo” nashri bugun, 5-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.

O‘zbekistonda ramazon oyi 11-martdan boshlanadi

Turkiy davlatlar ulamolari fiqhiy qoidalarga tayangan holda ramazon oyining birinchi kuni dushanba kuniga to‘g‘ri kelishi haqida yakdil fikrga keldi.

Andijon shahrining sobiq hokimi Bahrom Haydarov qamoqxonada vafot etdi

U 2022-yilda qator jinoyatlarni sodir etganlikda ayblanib, 10 yil muddatga ozodlikdan mahrum etilgandi.

DXX Asaka tumani prokurori o‘rinbosari va sobiq IIB xodimini 15 ming dollar pora bilan qo‘lga oldi

Ular jinoyat ishi doirasida qurilish firmasi rahbariga nisbatan qo‘llanilgan qamoq ehtiyot chorasini o‘zgartirib berishni va’da qilgan.

Jizzaxdagi maktabda tanbeh berish uchun doskaga chiqarilgan 1-sinf o‘quvchisi hushidan ketdi

Holat yuzasidan ichki ishlar organlari tomonidan tergovga qadar tekshiruv harakatlari o‘tkazilmoqda.

Toshkentda 3 ta avtomobil ishtirokidagi YTHda bir kishi vafot etdi

Avtomobillardan birini 16 yoshli bola boshqargan.

Jizzax viloyatida maishiy chiqindilar uchun yangi tariflar belgilandi 

Endi viloyat aholisi bir oy uchun odam boshiga 6 720 so‘m to‘laydi.

O‘zbekiston gender tengligi indeksida eng ilg‘or o‘zgarishlarni amalga oshirgan davlatlar qatoriga kirdi

Mamlakat “Ayollar, biznes va qonun 2024” indeksida maksimal 100 balldan 82,5 ball to‘plab, Markaziy Osiyoda eng yaxshi natijalarni ko‘rsatdi.

Toshkent viloyatida 3,6 magnitudali zilzila kuzatildi

Yerosti silkinishining episentri Chinoz tumanida joylashgan.

“Milliy gvardiya maktabda faoliyat ko‘rsatishi uchun maxsus tayyorgarlikdan o‘tishi kerak” — Jamshid Muslimov

Iqtisodiy tahlilchi “Daryo” bilan suhbatda maktablarda milliy gvardiya xodimlarining faoliyat olib borishi haqida o‘z fikrlarini bildirib o‘tdi.

Jizzaxda ishga joylashtirib qo‘yish uchun fuqarodan 6 mln so‘m pul olgan ikki ayol ushlandi

Ayollardan biri ko‘p tarmoqli tibbiyot markazida hamshira bo‘lib ishlagan va muqaddam firibgarlik uchun sudlangan.

O‘zbekistonda sud qarorisiz uy-joydan mahrum etish mumkin emasligi kodeksda ham belgilanadi

Turar joylar tashqi ko‘rinishini o‘zgartirish, ularni qayta qurish yoki buzish shaharsozlik to‘g‘risidagi qonunchilikka muvofiq amalga oshirilishi ta’minlanmoqda.

Toshkentda avtobusda oilali ayolga shahvoniy shilqimlik qilgan konduktor qamaldi 

U sudda qilgan ishidan pushaymonligini bildirib, yengillik berishni so‘radi.

“Bahodir Jalolov maktabi o‘z yo‘nalishida xuddi Prezident maktabidek namunaviy tizim bo‘ladi” — Shavkat Mirziyoyev

Prezident Toshkentda boks bo‘yicha Bahodir Jalolov sport mahorati maktabini borib ko‘rdi.

O‘g‘li va qudasi olib ketgan: ombudsman qamoqxonada vafot etgan hokim ishi yuzasidan ma’lumot berdi

Shu kuniyoq ombudsmanning Andijon viloyatidagi mintaqaviy vakili marhumning oila a’zolari va yaqinlari bilan suhbatlashgan.

Farg‘onada ayol ijtimoiy tarmoqda eri bilan urishib, unga bolalarini qiynagani tasvirlangan videoni yubordi 

Ayolning qaynukasi ichki ishlarga murojaat qilgan.

“Iqtisodiyotni rivojlantirish, yoshlarga taʼlim berish bilan birga, ularni sport bilan shug‘ullantira olsak, yurtimizda sog‘lom millat bo‘ladi” — prezident

Shavkat Mirziyoyev Oksana Chusovitina sport mahorati maktabiga tashrif buyurib, bu yerdagi sharoitlarni va mashg‘ulotlarni ko‘zdan kechirdi.

Farg‘onada “Hizb ut-tahrir” diniy ekstremistik oqimi aʼzosi ikkinchi bor qamaldi

Jinoyat ishlari bo‘yicha Bag‘dod sudi hukmi bilan 7 yil muddatga ozodlikdan mahrum etildi.

Endi avtomobildan chiqayotgan zararli moddalar miqdori tekshiriladi

Shavkat Mirziyoyev ekologik vaziyatni yaxshilash bo‘yicha amalga oshirilayotgan chora-tadbirlar bilan tanishdi.

“Daryo”da eʼlon qilingan maxsus materiallar

O‘zbek xalqining milliy identifikatsiyasi: o‘zbek xalqining asl ajdodlari kimlar?

“Daryo” bugun o‘zbek xalqining xalq sifatida shakllanish bosqichlari va tarixi haqida tarix fanlari doktori, professor G‘aybulla Boboyorov, tarix fanlari bo‘yicha falsafa doktori (PhD) Munira Xatamova va tarix fanlari bo‘yicha falsafa doktori Sur’at Kubayevlar bilan suhbatlashdi.

Stalin — o‘limi SSSRni o‘zgartirib yuborgan shaxs

Bundan 71 yil oldin, 1953-yil 5-mart kuni buyuk rus kompozitori Sergey Prokofyev olamdan o‘tadi. Ammo ulkan mamlakat uning o‘limini sezmaydi ham, chunki bu vaqtda barcha SSSRni qariyb 30 yil boshqargan Sovet Ittifoqi Kommunistik partiyasi yetakchisi Iosif Stalin uchun ko‘z yoshi to‘kayotgandi. Stalinning o‘limi SSSR tarixida burilish nuqtasiga aylandi.