Нодирбек Prague Chess Festival 2024 турнирининг 3-туридаги қийин баҳсда мезбон шахматчи Давид Наварани мағлубиятга учратди.
Бир неча кун олдин ўзбек шахматчилар орасида биринчи бор энг юқори рейтингга эга топ-10 шахматчи қаторига кириб рекорд ўрнатган Нодирбек, ўзига тегишли рекордни ўзи янгилади ва ҳозирги онлайн жадвалда 8-поғонага кўтарилди.
Эслатиб ўтамиз, ушбу турнир натижалари ва шахматчиларнинг тўплаган очколари фақатгина турнир якунидан сўнггина расмий ҳисобга олинади ва халқаро рейтинг очколарига қўшилади.
Демак, Нодирбек Абдусатторовнинг очколари март ойи якунлари ҳисоботида эълон қилинади ва 1 апрель санасида эълон қилинган рейтингда қўшиб ҳисобланади.
Prague Chess Festival 2024 турнирининг учинчи туридан сўнг Нодирбек Абдусатторов 2.5 очко тўплаб, қўшимча очколар ҳисобига биринчи ўринда бормоқда.
Ушбу турнирда муваффақиятли иштирок этаётган Нодирбек FIDE рейтингида ўз ўрнини сақлаб қолиши ёки янада юқори поғонага кўтарилиши мумкин.
Изоҳ (0)