Nodirbek Prague Chess Festival 2024 turnirining 3-turidagi qiyin bahsda mezbon shaxmatchi David Navarani mag‘lubiyatga uchratdi.
Bir necha kun oldin o‘zbek shaxmatchilar orasida birinchi bor eng yuqori reytingga ega top-10 shaxmatchi qatoriga kirib rekord o‘rnatgan Nodirbek, o‘ziga tegishli rekordni o‘zi yangiladi va hozirgi onlayn jadvalda 8-pog‘onaga ko‘tarildi.
Eslatib o‘tamiz, ushbu turnir natijalari va shaxmatchilarning to‘plagan ochkolari faqatgina turnir yakunidan so‘nggina rasmiy hisobga olinadi va xalqaro reyting ochkolariga qo‘shiladi.
Demak, Nodirbek Abdusattorovning ochkolari mart oyi yakunlari hisobotida e’lon qilinadi va 1-aprel sanasida e‘lon qilingan reytingda qo‘shib hisoblanadi.
Prague Chess Festival 2024 turnirining uchinchi turidan so‘ng Nodirbek Abdusattorov 2.5 ochko to‘plab, qo‘shimcha ochkolar hisobiga birinchi o‘rinda bormoqda.
Ushbu turnirda muvaffaqiyatli ishtirok etayotgan Nodirbek FIDE reytingida o‘z o‘rnini saqlab qolishi yoki yanada yuqori pog‘onaga ko‘tarilishi mumkin.
Izoh (0)