“Бирдамлик” қишлоқ хўжалиги ишчилари касаба уюшмаси Польша деҳқонлари Варшавада 6 —7 март кунлари навбатдаги норозилик намойишини режалаштираётганини маълум қилди. Бу ҳақда “РИА Новости” хабар берди.
“Миллий комиссиянинг 1/24-сонли қарори муносабати билан иттифоқимиз Миллий кенгаши президиуми бошқа қишлоқ хўжалиги касаба уюшмалари билан ҳамкорликни бошлади. Бутун Польша фермерларининг ташаббуслари билан қўшма намойиш ташкил этиш мақсадида Варшавада 6—7- март кунлари сейм сессияларида намойишлар бўлиб ўтади”, — дейилади хабарда.
Ўтган сешанба куни Варшавада фермерлар умуммиллий норозилигининг авж нуқтасига айланган “Варшавага марш” бўлиб ўтган эди.
Полиция ҳисоб-китобларига кўра, намойишда 10 мингга яқин одам қатнашган. Ҳозирча жамоат тартибини бузиш ҳолатлари қайд этилмаган. Намойишчиларнинг асосий талаблари Украинадан Польшага қишлоқ хўжалиги маҳсулотлари импортини тўхтатиш ҳамда Европа Иттифоқининг айрим экологик режаларини рад этишдан иборат.
Изоҳ (0)