“Birdamlik” qishloq xo‘jaligi ishchilari kasaba uyushmasi Polsha dehqonlari Varshavada 6 —7-mart kunlari navbatdagi norozilik namoyishini rejalashtirayotganini ma’lum qildi. Bu haqda “RIA Novosti” xabar berdi.
“Milliy komissiyaning 1/24-sonli qarori munosabati bilan ittifoqimiz Milliy kengashi prezidiumi boshqa qishloq xo‘jaligi kasaba uyushmalari bilan hamkorlikni boshladi. Butun Polsha fermerlarining tashabbuslari bilan qo‘shma namoyish tashkil etish maqsadida Varshavada 6—7- mart kunlari seym sessiyalarida namoyishlar bo‘lib o‘tadi”, — deyiladi xabarda.
O‘tgan seshanba kuni Varshavada fermerlar umummilliy noroziligining avj nuqtasiga aylangan “Varshavaga marsh” bo‘lib o‘tgan edi.
Politsiya hisob-kitoblariga ko‘ra, namoyishda 10 mingga yaqin odam qatnashgan. Hozircha jamoat tartibini buzish holatlari qayd etilmagan. Namoyishchilarning asosiy talablari Ukrainadan Polshaga qishloq xo‘jaligi mahsulotlari importini to‘xtatish hamda Yevropa Ittifoqining ayrim ekologik rejalarini rad etishdan iborat.
Izoh (0)