Ижтимоий тармоқларда Бекобод туманида ҳажга бориш коррупция бўлиб кетгани тўғрисида хабарлар тарқалди. Тошкент вилояти ҳокимлиги ахборот хизмати ҳолатга муносабат билдирди.
Мазкур хабарни жойлаган фуқаро 2016 йил Бекобод туманига ҳаж зиёратига бориш учун ариза берган ва “Ҳаж-2022” мавсумида карантин сабабли 65 ёш чегараси белгилангани учун бора олмагани аниқланди. Бироқ турмуш ўртоғининг ёши 65 дан кичик бўлгани учун 2022 йил ҳаж зиёратига бориб келган.
Шунингдек, фуқаро ўзидан кейин ариза берган 2 нафар шахснинг ҳажга бориб келгани тўғрисида қилган ваъжига асосан ҳозирда Дин ишлари бўйича қўмитанинг Бекобод тумани мутахассисига нисбатан туман прокуратура ва тегишли ташкилотлар томонидан хизмат текшируви олиб борилмоқда. Хизмат текшируви натижалари юзасидан қонунда белгиланган тартибда чора кўрилади.
Маълум қилинишича, Бекобод туманида 2014 йил 115 нафар, 2015 йил 161 нафар, 2016 йил 96 нафар фуқаро ҳаж сафари учун навбатда тургани сабаб “Ҳаж-2024” йил навбати ҳали келмаган.
Изоҳ (0)