Ijtimoiy tarmoqlarda Bekobod tumanida hajga borish korrupsiya bo‘lib ketgani to‘g‘risida xabarlar tarqaldi. Toshkent viloyati hokimligi axborot xizmati holatga munosabat bildirdi.
Mazkur xabarni joylagan fuqaro 2016-yil Bekobod tumaniga haj ziyoratiga borish uchun ariza bergan va “Haj-2022” mavsumida karantin sababli 65 yosh chegarasi belgilangani uchun bora olmagani aniqlandi. Biroq turmush o‘rtog‘ining yoshi 65 dan kichik bo‘lgani uchun 2022-yil haj ziyoratiga borib kelgan.
Shuningdek, fuqaro o‘zidan keyin ariza bergan 2 nafar shaxsning hajga borib kelgani to‘g‘risida qilgan vaʼjiga asosan hozirda Din ishlari bo‘yicha qo‘mitaning Bekobod tumani mutaxassisiga nisbatan tuman prokuratura va tegishli tashkilotlar tomonidan xizmat tekshiruvi olib borilmoqda. Xizmat tekshiruvi natijalari yuzasidan qonunda belgilangan tartibda chora ko‘riladi.
Ma’lum qilinishicha, Bekobod tumanida 2014-yil 115 nafar, 2015-yil 161 nafar, 2016-yil 96 nafar fuqaro haj safari uchun navbatda turgani sabab “Haj-2024” yil navbati hali kelmagan.
Izoh (0)