Парижда 26 февраль куни Европа расмийлари иштирокида Украинани қўллаб-қувватлаш бўйича йиғилиш бўлиб ўтди. Франция президенти Эммануэл Макрон Украинага қўшинлар юбориш эҳтимолини инкор этмади. Бу ҳақда DW хабар берди.
Макрон Европа етакчилари ва ҳукумат вакиллари иштирокидаги учрашув якунлари бўйича Украинага қўшин юбориш юзасидан консенсус йўқлигини, аммо бу мавзуни инкор этиб бўлмаслигини айтди.
“Ҳозирги босқичда... Украинага қўшин юбориш бўйича консенсус йўқ. Ҳеч нарсани инкор этиб бўлмайди. Биз Россиянинг ғалаба қозонишига йўл қўймаслик учун ҳамма нарсани қиламиз”, — деди Франция президенти.
Украинага Европа қўшинларини юбориш ғоясини биринчи бўлиб Словакия бош вазири Роберт Фико эълон қилди:
“НАТО ва Европа Иттифоқига аъзо қатор давлатлар ўз қўшинларини икки томонлама асосда Украинага юбориш имкониятини кўриб чиқаётганини айтиш билан чекланаман. Улар Украинада нима мақсадда ва нима қилиши кераклигини айта олмайман”, — деди у.
Макрон Россиянинг хатти-ҳаракати энди сиёсий даражада ҳам, Украинага қарши агрессив уруши пайтида ҳам кескинлашаётгани, шу учун Украинани қўллаб-қувватлаган ҳар бир киши “жамоавий ютуқ” қилиши кераклигини айтди. Шу билан бирга, у “рус халқи билан урушга киришни” истамаслигини таъкидлади.
Франция президентига кўра, Париждаги учрашувда Украинани ўрта ва узоқ масофага учувчи ракеталар, шунингдек, қисқа муддатда Европа ва учинчи давлатлардан бошқа ўқ-дорилар билан таъминлаши керак бўлган коалиция тузишга қарор қилинди.
Бундан ташқари, кибермудофаа, биргаликда қурол ишлаб чиқариш ва Россиянинг Украинадаги уруши бевосита таҳдид солаётган мамлакатларни, хусусан, Молдовани ҳимоя қилиш бўйича ташаббуслар келишиб олинди.
Изоҳ (0)