Германия терма жамоаси ҳамда Мюнхеннинг “Бавария” клуби собиқ футболчиси Дитмар Хаманн Тони Крооснинг терма жамоага қайтишини танқид остига олди.
Унинг фикрича, Крооснинг қайтиши терма жамоа учун зарарга ишлаши мумкин.
Кроос қанчалик зўр ўйинчи эканлиги ҳақида алоҳида тўхталиш шарт эмас. Айнан у жуда ҳам кўп шахсий совринлар ютган. Ҳаттоки у Германия тарихидаги энг яхши ўйинчи бўлиши ҳам мумкин. Унинг ёнида Камавингма, Вальверде ва баъзида Тчуаменидек тажрибали футболчилар бор. Лекин бизнинг терма жамоамиз ҳаттоки Туркия ёки Австрияга қарши биринчи рақамда ўйнай олмайди.
Гросснинг ёши 32 да, Гюндоган 33 ёшда, Кроос эса 34га кирди. Улар биргаликда 100 ёшда! Биласизми, бошқа терма жамоалар нима қилишади? Улар биздан ўзиб кетишади. Футбол ёшларнинг спортига айланмоқда. Европа чемпионати ёки Жаҳон Чемпионатига 30 ёшдан ошган уч марказий ярим ҳимоячи билан бориб бўлмайди,—дейди Хаманн.
Эслатиб ўтамиз, “Реал” жамоаси аъзоси 22 февраль санасида Германия термасига қайтганини эълон қилган эди.
Германия термаси 23 март санасида Францияга, 26 март санасида Нидерландияга қарши ўртоқлик баҳсларида майдонга тушади.
Изоҳ (0)