Germaniya terma jamoasi hamda Myunxenning “Bavariya” klubi sobiq futbolchisi Ditmar Xamann Toni Kroosning terma jamoaga qaytishini tanqid ostiga oldi.
Uning fikricha, Kroosning qaytishi terma jamoa uchun zararga ishlashi mumkin.
Kroos qanchalik zo‘r o‘yinchi ekanligi haqida alohida to‘xtalish shart emas. Aynan u juda ham ko‘p shaxsiy sovrinlar yutgan. Hattoki u Germaniya tarixidagi eng yaxshi o‘yinchi bo‘lishi ham mumkin. Uning yonida Kamavingma, Valverde va ba’zida Tchuamenidek tajribali futbolchilar bor. Lekin bizning terma jamoamiz hattoki Turkiya yoki Avstriyaga qarshi birinchi raqamda o‘ynay olmaydi.
Grossning yoshi 32 da, Gyundogan 33 yoshda, Kroos esa 34ga kirdi. Ular birgalikda 100 yoshda! Bilasizmi, boshqa terma jamoalar nima qilishadi? Ular bizdan o‘zib ketishadi. Futbol yoshlarning sportiga aylanmoqda. Yevropa chempionati yoki Jahon Chempionatiga 30 yoshdan oshgan uch markaziy yarim himoyachi bilan borib bo‘lmaydi,—deydi Xamann.
Eslatib o‘tamiz, “Real” jamoasi a’zosi 22-fevral sanasida Germaniya termasiga qaytganini e’lon qilgan edi.
Germaniya termasi 23-mart sanasida Fransiyaga, 26-mart sanasida Niderlandiyaga qarshi o‘rtoqlik bahslarida maydonga tushadi.
Izoh (0)