Бокс бўйича 2023 йилги Ўзбекистон чемпионатининг бронза медалини қўлга киритган Аман Қўнисбеков Қозоғистонга кўчиб ўтди.
71 килограммгача вазн тоифасидаги боксчи Аман Қўнисбеков тарихий ватанига кўчиб ўтди. Бундан кейин у Туркистон вилояти номидан бокс мусобақаларида қатнашади.
Сўнгги Ўзбекистон чемпионатида Қўнисбеков ярим финалда жаҳон чемпиони Асадхўжа Мўйдинхўжаевга қарши рингга кўтарилиб, уч раунддан сўнг ҳакамларнинг баҳсли қарори билан имкониятни бой берди. Ўша қарама-қаршиликнинг биринчи раундида Аман рақибини нокдаунга туширишга муваффақ бўлганди.
Изоҳ (0)