АҚШнинг собиқ президенти Дональд Трамп ҳар қандай хорижий давлатга ёрдам шунчаки эмас, балки қарз шаклида берилиши кераклигини айтди, деб хабар бермоқда Newsweek.
Бу ҳақда у бўлажак президентлик сайловлари олдидан Жанубий Каролинада бўлиб ўтган митингда айтиб ўтган. Унинг фикрича, агар АҚШ Украина ва Исроилга маблағ ажраца, бу давлатлар пулни қайтаришга мажбур бўлади.
“Бундан буён, АҚШ Сенати, эшитяпсизми, хорижий ёрдам кўринишидаги пул ҳеч бир давлатга берилмаслиги керак, у шунчаки ёрдам эмас, балки қарз кўринишида бўлиши лозим”, — деб ёзган Трамп ўзининг Тruth ижтимоий тармоғидаги саҳифасида.
Қўшма Штатлар томонидан катта ёрдам кўрсатилиши Украинанинг Америка томони билан ҳамкорлик қилишдан манфаатдорлигини йўқотишига олиб келиши мумкин бўлган ҳолатни собиқ раҳбар мисол тариқасида қўшимча қилган.
“Мисол тариқасида, дейлик, биз Украинага 200 миллиард доллардан ортиқ сармоя киритдик ва улар яқин уч ҳафта ичида Россия билан келишувга эришишлари мумкин ва бирдан улар биз билан бошқа муносабат ўрнатишни хоҳламайди. НАТО билан ҳам худди шундай қилдим. Мен уларни пул тўлашга мажбур қилдим”, — деган у.
Ўша вақтда АҚШ Сенати Украина ва Исроилга маблағ ажратиш тўғрисидаги қонун лойиҳасини кўриб чиқаётган эди, бироқ бу масала бўйича келишув кечиктирилди. Амалдаги президент Жо Байден Украинанинг уруш давридаги оғир аҳволини таъкидлаб, унга ёрдам сўрамоқда.
Изоҳ (0)