Tesla Mercedes-Benz’га етакчиликни бой бериб, энг қиммат автомобиль ишлаб чиқарувчи компания мақомини йўқотди.
Бу ҳақда Brand Finance халқаро таҳлилий агентлиги ҳисоботида айтилади.
Tesla қийматининг пасайиши Илон Маск билан боғлиқ можаролар фонида рўй берди, бу электромобил ишлаб чиқарувчиси обрўсига ва унинг бренди қийматига таъсир қилди. Компаниянинг нархи 12 фоизга пасайиб, 58,3 миллиард долларгача тушиб кетди, бу эса Mercedes-Benz компаниясига етакчилик қилиш имконини берди — немис брендининг қиймати 1 фоизга ошиб, 59,4 миллиард долларга етди. Рейтингда учинчи ўринни 52,7 миллиард долларга баҳоланган Toyota сақлаб қолди.
Brand Finance консалтинг компанияси таҳлилчилари дунёдаги энг кучли автомобиль брендини ҳам аниқладилар, бу италян бренди Ferrari бўлди.
BYD эса Хитойнинг энг қиммат автомобиль ишлаб чиқарувчиси сифатида тан олинди, унинг қиймати 20 фоизга ошиб, 12,1 миллиард долларни ташкил этди.
Изоҳ (0)