Қозоғистоннинг Манғистов вилоятида атмосферага йирик миқдорда метан сиздиргани учун “Бузачи Нефть” компанияси 780 минг доллар жаримага тортилди. Бу ҳақда “ТАСС” хабар берди.
Маълум қилинишича, ўзлаштирилаётган “Қоратурун” конида содир бўлган ёнғин оқибатида катта миқдорда метан сизиб чиққан. Ёнғинни 200 кун давомида ўчиришнинг иложи бўлмаган. Конда ўтказилган режадан ташқари текширув давомида атмосферада ҳавони ифлослантирувчи моддаларнинг рухсат этилган максимал концентрациясидан ошиб кетгани аниқланган: метан бўйича – 480 бараварга, нефть маҳсулотлари учун тупроқда – 168,13 мг/кг.
“Тўртта маъмурий баённома тузилди. Дастлабки ҳисоб-китобларга кўра, жарима миқдори 350 миллион тенгедан (тахминан 780 минг доллар) ошади”, — дейилади хабарда.
Шунингдек, компания атроф-муҳитга етказилган зарарни бартараф этиш бўйича дастур ишлаб чиқиши зарур.
Аввалига Қозоғистоннинг ғарбий қисмидаги “Қоратурун Южний” қудуғини ўзлаштираётган “Бузачи Нефть” ширкати катта миқдорда метан сизиб чиқишини инкор этиб, санитария муҳофазаси зонасида ифлослантирувчи моддалар концентрацияси мақбул даражадан ошмаслигини таъкидлаганди.
Ёнғин 2023 йил 9 июнь куни қудуқни бурғилаш вақтида бошланган. Ёнғин алангаси баландлиги 10 метрга етган. Декабрь ойи охирида ёнғин ўчирилган, бунинг учун мутахассислар авария қудуқларини бурғилаган.
Изоҳ (0)