Европа Иттифоқи урушдан жабр кўрган одамларни қўллаб-қувватлаш учун 83 миллион евро миқдорида гуманитар ёрдам беради. Маблағларнинг катта қисми Украинага ажратилади. Бу ҳақда Еврокомиссия саҳифасида маълум қилинган.
“Россиянинг Украинанинг шифохоналар, мактаблар ва электр тармоқлари каби асосий энергетика ва фуқаролик инфратузилмасига қаратилган мақсадли ҳужумлари одамларнинг асосий хизматлардан фойдаланишига жиддий тўсқинлик қилмоқда. Ҳар бир янги ҳужум билан яна кўпроқ украиналиклар бошпанасиз қолиб, совуқ шароитда ёрдамга муҳтож бўлмоқда”, — дейилади хабарда.
Қайд этилишича, Украинада 14,6 миллион киши гуманитар ёрдамга муҳтож.
Еврокомиссия гуманитар ёрдамга ажратилган 83 миллион евродан 75 миллион евро Украинадаги лойиҳаларга ажратилганини маълум қилди. Бу шошилинч ёрдам кўрсатиш, жумладан бошпана, ҳимоя хизматлари, тоза сув, таълим ва соғлиқни сақлаш каби асосий эҳтиёжларга йўналтирилади.
Изоҳ (0)