Исроил мудофаа кучлари Ғазо сектори жанубидаги операция давомида Хон Юнисдаги банкдан 250 миллион долларни қўлга киритди. Бу ҳақда I24 News телеканали маълум қилди.
Телеканал маълумотларига кўра, пуллар 12 та сейфнинг ичидан топилган. Ҳарбий операция жами 48 соат давом этган.
Исроил армияси аввалроқ қидирувдаги ҲАМАС аъзоларининг уйларидан маълум миқдордаги маблағлар топилгани ва мусодара қилингани ҳақида хабар берган эди.
Аввалроқ Financial Times нашри манбаларга таяниб, ноябрь ойидаги сулҳ даврида Фаластин анклавининг жанубида нақд пул тақчиллигини камайтириш мақсадида БМТ кўмагида 50 миллион долларга яқин нақд пул олиб кирилганини хабар қилган эди.
Изоҳ (0)