Брюсселда 19 февраль куни Европа Иттифоқининг навбатдаги йиғилиши бўлиб ўтди. Учрашув доирасида Исроил Ғазода зудлик билан ўт очишни тўхтатиш, барча исроиллик асирларни озод қилиш ва тинч аҳолига гуманитар ёрдам кўрсатиш мазмунидаги баёнот 26 та давлат томонидан маъқулланган. Бу ҳақда Deutsche Welle хабар берди.
“Биз тинч аҳоли ҳимоясини ҳар доим халқаро гуманитар ҳуқуққа мувофиқ таъминлаш муҳимлигини таъкидлаймиз. Исроилни Рафаҳ шаҳрида ҳарбий ҳаракатлар ўтказмасликка чақирилган”, — дейилади баёнотда.
DPA’га кўра, ҳозирда Рафаҳ шаҳрида бир миллионга яқин тинч аҳоли истиқомат қилади. Уларнинг аксарияти Ғазо секторининг бошқа қисмларидан келган қочқинлардир.
Ташқи ишлар вазирларининг қўшма баёнотига қўшилмаган ягона Европа Иттифоқи давлати Венгрия бўлди, деб ёзади DPA. Таъкидланишича, Венгрия Исроилга нисбатан дўстона муносабатда.
Аввалроқ 26 январь куни Халқаро суд ЖАРнинг Исроилга қарши даъвоси бўйича профилактик чоралар тўғрисидаги қарорни эълон қилган эди. Гаага суди Исроилга геноциднинг олдини олишни буюрган. Бундан ташқари, Исроил Фаластин ҳудудларидаги тинч аҳолига гуманитар ёрдам етказилишига рухсат бериши кераклигини таъкидлаган.
Изоҳ (0)