Шавкат Мирзиёев раислигида ижтимоий ҳимоя соҳасидаги вазифалар юзасидан видеоселектор йиғилиши бошланди. Бу ҳақда президент матбуот котиби хабар берди.
Маълумки, ўтган йил июнь ойида Ижтимоий ҳимоя миллий агентлиги ташкил этилган эди. Ўтган даврда 10 дан ортиқ давлатнинг тажрибаси чуқур ўрганилди, ижтимоий хизмат бўйича мутахассис-экспертлар билан ҳамкорликда соҳанинг аҳволи таҳлил қилинди.
“Таҳлил ва ўрганишлар кўрсатганидек, одамлар ташвишини ичига кирмаган, ўзидан ўтказмаган эски тизим тубдан ўзгариши керак ва бу мураккаб, комплекс жараён”, — дейилади хабарда.
Эслатиб ўтамиз, 2023 йил июнь ойида “Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида”ги президенти қарори билан “Инсон” ижтимоий хизматлар марказлари ташкил этилиши белгиланган эди.
Изоҳ (0)